uz
en
ruZulfiya nomidagi davlat mukofoti sohibasi Gulruxsorabegim Abdusaidova bilan seminar
Termiz iqtisodiyot va servis universitetida 2025-yil 18-martda Zulfiya nomidagi davlat mukofoti sohibasi Gulruxsorabegim Abdusaidova bilan seminar uchrashuvi bo‘lib o‘tdi.
Seminarda Gulruxsorabegim Abdusaidova o‘zining ilmiy faoliyati, tadqiqotlari va yoshlar, ayniqsa ayollarni ilm-fan, ta’lim va ijtimoiy faoliyatga jalb qilish bo‘yicha amalga oshirgan ishlarini talabalarga taqdim etdi.
Seminar davomida Gulruxsorabegim, Zulfiya nomidagi davlat mukofotini olishda erishgan yutuqlari, ilm-fan va ta’lim sohasidagi muvaffaqiyatlarining sirlarini ochib berdi. U yoshlarni ilmiy faoliyatga qiziqtirish, ta’limda samarali natijalarga erishish va o‘z maqsadlariga intilish yo‘lida qanday yo‘nalishlarni tanlash haqida foydali maslahatlar berdi. Shuningdek, seminar ishtirokchilari bilan tajriba almashdi va ular tomonidan berilgan savollarga javob berdi.
Bu tadbir, universitet talabalari uchun ilm-fan va ta’lim sohalarida o‘z yutuqlariga erishish uchun ilhomlantiruvchi va motivatsion uchrashuv bo‘ldi. Gulruxsorabegim Abdusaidova o‘zining nafaqat ilmiy yutuqlari, balki jamiyatdagi faol roli bilan ham ishtirokchilarga katta ijobiy ta’sir o‘tkazdi. Seminar universitet talabalarini ilhomlantirishga, kerakli bilimlarni olishga qolaversa yanada yangi maqsadlar qo‘yishga xizmat qildi.
.png)
.png)
.png)
