Termiz iqtisodiyot va servis universitetida navbatdagi Kengash yig‘ilishi bo‘lib o‘tdi. Yig‘ilishda universitet rahbariyati, Kengash a’zolari, prorektorlar, bo‘lim boshliqlari, fakultet dekanlari hamda kafedra mudirlari ishtirok etdilar.

Yig‘ilish davomida universitet faoliyatiga oid dolzarb masalalar muhokama qilindi, xususan:

•  Pedagogika va ijtimoiy-gumanitar fanlar fakultetida amaliyot jarayonlarining tashkil etilishi; 
• Kafedralarda o‘quv jarayoniga doir me’yoriy hujjatlarni yuritish holati va olib borilgan o‘rganishlar tahlil qilindi;
• Ilmiy unvonlar hamda kafedra dotsenti va professori vazifasini bajaruvchi lavozimlariga tavsiya etish masalalari ko‘rib chiqildi;
•  Ilmiy unvonlarga ega bo‘lgan professor-o‘qituvchilarga Oliy attestatsiya komissiyasining diplomlari tantanali ravishda topshirildi.
• Shuningdek, Oʻzbekiston Respublikasi Prezidenti hamda nomli davlat stipendiyalarini qoʻlga kiritgan iqtidorli talabalar va ularning ilmiy rahbarlari tantanali tarzda taqdirlandi

Yig‘ilish yakunida muhokama qilingan masalalar yuzasidan mas’ul shaxslarga aniq topshiriqlar berildi hamda belgilangan vazifalar ijrosini ta’minlash bo‘yicha tegishli qarorlar qabul qilindi.