Samarqand davlat tibbiyot universitetida “Samarqand-2020” tibbiyot oliygohlari talabalarining VI xalqaro olimpiadasi tantanali ravishda o‘tkazildi. Mazkur nufuzli ilmiy-amaliy musobaqa xalqaro miqyosda o‘z o‘rniga ega bo‘lib, har yili dunyoning turli mamlakatlaridan eng iqtidorli talabalarni bir maydonga jamlaydi.

Bu yilgi olimpiadada O‘zbekiston bilan birga Germaniya, Qozog‘iston, Qirg‘iziston, Xitoy, Janubiy Koreya, Tojikiston, Rossiya, Turkiya, Ozarbayjon va Belorussiya kabi davlatlardagi 60 dan ortiq tibbiyot oliygohlaridan 500 nafardan ziyod talabalar ishtirok etdi. 

Termiz iqtisodiyot va servis universiteti Tibbiyot fakultetining iqtidorli talabalari ham olimpiadada munosib ishtirok etib, o‘z bilim va ko‘nikmalarini namoyish qildi. Ular turli yo‘nalishlar bo‘yicha o‘tkazilgan nazariy va amaliy sinovlarda faol qatnashib, xalqaro maydonda o‘z universiteti nufuzini oshirishga hissa qo‘shdilar.

Olimpiada natijalariga ko‘ra universitet talabalari quyidagi faxrli o‘rinlarni egallashdi:

1. Normal fiziologiya fani bo‘yicha 3-o‘rin – Zoirjonov Azizbek Nodirbek o‘g‘li, Tibbiyot fakulteti, Davolash ishi yo‘nalishi, 4-kurs talabasi.
2. Klinik laboratoriya diagnostika fani bo‘yicha 3-o‘rin – Karimov Azizbek Doniyor o‘g‘li, Tibbiyot fakulteti, Davolash ishi yo‘nalishi, 4-kurs talabasi.
3. Klinik va topografik anatomiya fani bo‘yicha 2-o‘rin – Choriev Shoxjaxon Xabibulla o‘g‘li, Tibbiyot fakulteti, Davolash ishi yo‘nalishi, 3-kurs talabasi.
4. Patologik fiziologiya fani bo‘yicha 3-o‘rin – Xolboboyeva Mashhura Yoqutjon qizi, Tibbiyot fakulteti, Davolash ishi yo‘nalishi, 3-kurs talabasi.
5. Ichki kasalliklar propedevtikasi fani bo‘yicha 2-o‘rin – Maxmudjonova Zebiniso Sulaymon qizi, Tibbiyot fakulteti, Davolash ishi yo‘nalishi, 4-kurs talabasi.
6. Mikrobiologiya fani bo‘yicha 2-o‘rin – Normominova Durdona Shavkat qizi, Tibbiyot fakulteti, Davolash ishi yo‘nalishi, 3-kurs talabasi.
7. Travmatologiya va ortopediya fani bo‘yicha 2-o‘rin – Usanov Jasurbek Abdumalik o‘g‘li, Tibbiyot fakulteti, Davolash ishi yo‘nalishi, 4-kurs talabasi.
8. Iqtidorli talabalar startap-ilmiy loyihalari tanlovi bo‘yicha 3-o‘rin – Odiljonov Ozodbek Odiljon o‘g‘li, Tibbiyot fakulteti, Davolash ishi yo‘nalishi, 3-kurs talabasi.

Olimpiadaning yakuniy yopilish marosimida g‘olib va sovrindorlar, shuningdek, turli nominatsiyalar bo‘yicha ishtirokchilar diplom, sertifikat va esdalik sovg‘alari bilan taqdirlandilar.