Indoneziyaning Pendikan universiteti Iqtisodiyot fakulteti bilan Termiz iqtisodiyot va servis universiteti o‘rtasida iqtisodiyot yo‘nalishida qo‘shma ta’lim dasturini amalga oshirish bo‘yicha shartnoma imzolandi.

Kelishuvga ko‘ra, bakalavriat bosqichida “3+1” modeli, magistratura bosqichida esa “1+1” modeli joriy etiladi. Ushbu dastur orqali talaba 3 yil Termizda, 1 yil Pendikan universitetida (yoki magistratura uchun 1 yil + 1 yil) tahsil olib, ikki oliygoh — Termiz iqtisodiyot va servis universiteti hamda Pendikan universiteti diplomlariga ega bo‘ladi.

 Mazkur hamkorlik nafaqat talabalarga xorijiy ta’lim muhitida o‘qish imkonini beradi, balki xalqaro tajribaga ega mutaxassislar yetishtirishga ham xizmat qiladi.