uz
en
ruMagistrlik dissertatsiyasi ishlarining xomaki (dastlabki) himoyasi bo‘lib o‘tdi
“Maktabgacha va boshlang‘ich ta’lim” kafedrasi qoshida Ta’lim va tarbiya nazariyasi va metodikasi (boshlang‘ich ta’lim) mutaxassisligi magistrantlarining xomaki (dastlabki) himoyasi bo‘lib o‘tdi. Unda Pedagogika kafedrasi professor-o'qituvchilari va ilmiy rahbarlar ishtirok etishdi.
Magistrantlar tadqiqot ishlarining nazariy va amaliy jihatlari, xulosalari hamda takliflarini bayon etishdi. Xomaki himoya jarayonida dissertatsiya mazmuni bo‘yicha bir qator fikr-mulohazalar bildirildi, komissiya a'zolari tomonidan yosh tadqiqotchilarga muammoli savollar taqdim etildi va tegishli takliflar berildi.
Magistrlik dissertatsiya ishining tarkibi, mavzu bo‘yicha olib borilgan ilmiy izlanishlar va xulosalar umuman olganda ijobiy baholandi. Shu bilan birga, ayrim kamchilik va to‘ldirilishi zarur bo‘lgan jihatlar ko‘rsatib o‘tildi. Shuningdek, magistrantlarga dissertatsiyani yakuniy himoyaga tayyorlash uchun tavsiyalar berildi.
