uz
en
ruG‘oliblar taqdirlandi!
Termiz iqtisodiyot va servis universiteti talabalari o‘rtasida “Korrupsiya - jamiyat tanasidagi saraton!” mavzusida o‘tkazilgan videoroliklar tanlovi o‘z nihoyasiga yetdi.
Tanlovga ishtirokchilardan kelib tushgan ijodiy ishlar ichidan adolat, halollik va koruppsiya illatining salbiy oqibatlari aks etgan eng yaxshi videoroliklar g‘olib deb topildi.
1 - o‘ringa: Sarvar Tilloyev
2 - o‘ringa: Uroz Jo‘rayev
3 - o‘ringa: Muhiddin Normo‘minovlar munosib ko‘rildi.
Tanlov g‘oliblarini taqdirlash marosimida universitet rektori A.Sattarov, Yoshlar masalalari va ma’naviy-ma’rifiy ishlar bo‘yicha birinchi prorektor O‘. Xudoyberdiyev va Korrupsiyaga qarshi kurashish “Komplayens-nazorat” tizimini boshqarish bo‘limi boshlig‘i Sh. Usmonovlar so‘z olib, tanlovga bir-biridan yaxshi, sifatli videoroliklar kelib tushganini, buning uchun mehnat qilgan barcha ishtirokchilarga minnatdorchilik bildirdilar.
Shundan so‘ng, g‘oliblarga universitet rahbariyati tomonidan pul mukofoti va diplomlar topshirildi.
