uz
en
ruTISU — eng koʻp ish oʻrni yaratgan tadbirkorlik subyekti
Surxondaryo viloyati soliq boshqarmasida Termiz shahrida faoliyat yuritayotgan kichik va o‘rta biznes vakillari bilan ochiq muloqot o‘tkazildi.
Unda viloyat soliq boshqarmasi boshlig‘i Erkin Narmanov xususiy sektor vakillarining mamlakat iqtisodiy rivojidagi muhim o‘rni, tadbirkorlikni qo‘llab-quvvatlash borasida amalga oshirilayotgan izchil islohotlar to‘g‘risida so‘z yuritdi.
Xususan Prezidentimiz Shavkat Mirziyoyevning joriy yil 19-mart kuni kichik va o‘rta biznes vakillari bilan sohaning iqtisodiyotdagi o‘rnini oshirish va rivojlanishini yangi bosqichga olib chiqish masalalariga bag‘ishlangan uchrashuvida belgilangan maqsad va vazifalar to‘g‘risida ma’lumotlar berildi.
Ochiq muloqot tarzida o‘tkazilgan uchrashuvda kichik va o‘rta tadbirkorlarning markirovkalash, soliq hisobotlarini topshirish, imtiyozlardan foydalanish va kadastr organlari bilan bog‘liq muammo va takliflari tinglanib, ijobiy hal etish choralari ko‘rildi.
Tadbir yakunida mamlakatimiz iqtisodiyoti va xususiy sektor rivojiga munosib hissa qo‘shayotgan bir guruh namunali soliq to‘lovchilar rag‘batlantirildi. Xususan, Termiz iqtisodiyot va servis universiteti “Eng koʻp ish oʻrni yaratgan tadbirkorlik subyekti” sifatida e’tirof etilib, universitet rektori A.Sattarov tashakkurnoma bilan taqdirlandi.
