uz
en
ruMagistratura mutaxassisligi talabalari uchun seminar-trening
Xorijiy til va adabiyoti kafedrasi professor-o‘qituvchilari O.Uralova, M.Madiyeva va U.To‘rayevalar tashabbusi bilan tashkil etilgan mazkur seminar davomida xalqaro IELTS, TOEFL va CEFR kabi sertifikatlarning talablari, imtihonga tayyorgarlik jarayoni hamda samarali o‘qish strategiyalari haqida so‘z yuritildi.
Oybek Choriyev ushbu sertifikatlar nafaqat ta’lim sohasida, balki kelajakdagi kasbiy faoliyatda ham muhim ahamiyatga ega ekanligini ta’kidladi. Shuningdek, imtihon topshirishda uchraydigan qiyinchiliklar va ularni yengib o‘tish bo‘yicha amaliy maslahatlar berildi.
Tadbir interaktiv tarzda o‘tib, talabalar o‘zlarini qiziqtirgan savollarga javob olish imkoniga ega bo‘lishdi. Seminar yakunida ishtirokchilarga chet tilini o‘rganishda foydalanish mumkin bo‘lgan zamonaviy onlayn platformalar va resurslar tavsiya etildi.
