Shukurova Xayriniso Zokir qizi - 1991-yil 25-avgust sanasida Termiz shahrida tug‘ilgan. U Termiz shahridagi 8-umumiy o‘rta ta’lim maktabini a’lo baholar va namunali xulq-atvor bilan tamomlagan.

Maktab davridan boshlab Xayriniso nafaqat a’lochi o‘quvchi, balki san’at va sportga qiziqishi yuqori bo‘lgan faol o'quvchi sifatida ajralib turgan. U maktabda o‘tkazilgan barcha tadbirlar, bayramlar, fan olimpiadalari hamda sport musobaqalarida muntazam ishtirok etib kelgan.

Erishilgan yutuqlari:

• Maktab va kollej davrida turli bayram tadbirlari, fan olimpiadalari hamda ko‘rik-tanlovlarda faol ishtirok etib, bir necha bor faxriy yorliq va mukofotlar bilan taqdirlangan;
• 2023-yildan buyon Termiz iqtisodiyot va servis universitetida namunali guruh sardori sifatida faoliyat yuritib kelmoqda. A’lo o‘qishi va universitet miqyosidagi bayram-tadbirlarda faol ishtiroki uchun qator sertifikat va tashakkurnomalar bilan taqdirlangan;
• 2024-yilda Termiz iqtisodiyot va servis universitetida o‘tkazilgan an’anaviy ilmiy-amaliy konferensiyada “Buxgalteriya hisobini tashkil etish va rivojlantirishning dolzarb masalalari” sho‘basi bo‘yicha faxrli 1-o‘rin sohibasi bo‘lgan;
• 2025-yilda ham ushbu sho‘ba bo‘yicha ilmiy-amaliy konferensiyada yana 1-o‘rinni qo‘lga kiritgan;
• 2025-yil Termiz iqtisodiyot va servis universitetining 2-mavsum Rektor stipendiyasi sohibasi;
• 2023-yildan hozirgi kungacha xorijiy va mahalliy ilmiy jurnallar hamda konferensiyalarda 20 dan ortiq ilmiy maqola va badiiy hikoyalar muallifi.

Hozirgi kunda Shukurova Xayriniso Termiz iqtisodiyot va servis universiteti Iqtisodiyot va axborot texnologiyalari fakulteti “Buxgalteriya hisobi va audit” yo‘nalishi 4-bosqich talabasi hisoblanadi.

2024-2025-o‘quv yilida iqtidorli talabalar o‘rtasida o‘tkazilgan ’’Rektor stipendiyasi’’ sohibasiga aylandi. Kelgusida shu yurtga xizmat qiladigan yetuk mutaxassis bo‘lishini tilab qolamiz.