Termiz iqtisodiyot va servis universiteti Times Higher Education (THE) Impact Rankings 2026 xalqaro reytingida ulkan muvaffaqiyatga erishib, dunyoning eng nufuzli oliy ta’lim muassasalari qatoridan o‘rin oldi. Universitet 2024-yildagi 1501+ pozitsiyadan 301–400-o‘rinlar guruhiga ko‘tarilib, qisqa muddatda tarixiy natijani qayd etdi.

Mazkur yutuq universitetning ta’lim sifati, ilmiy-tadqiqot faoliyati, xalqaro hamkorlik aloqalari hamda BMTning Barqaror rivojlanish maqsadlariga qo‘shayotgan hissasi xalqaro miqyosda yuksak e’tirof etilganining amaliy ifodasidir.

Natijalarga ko‘ra universitet:

• Dunyo universitetlari orasida TOP-400 talikdan joy oldi;

• O‘zbekiston OTMlari orasida 7-o‘rinni egalladi;

• Viloyatlarda faoliyat yuritayotgan OTMlar orasida 1-o‘rinni qo‘lga kiritdi;

• Xalqaro reytinglarda eng tez rivojlanayotgan universitetlardan biri sifatida e’tirof etildi.

Ushbu yuksak natija universitet professor-o‘qituvchilari, ilmiy tadqiqotchilari, talabalari va butun jamoasining fidokorona mehnati samarasidir. Kelgusida ham universitet ta’lim sifati, ilm-fan, innovatsiyalar va xalqaro hamkorlikni rivojlantirish yo‘lida yangi marralarni zabt etishda davom etadi.