Oliy taʼlim, fan va innovatsiyalar vazirligi huzuridagi Talaba va o‘quvchilarning ijtimoiy faolligini oshirish markazi tashabbusi bilan talaba-yoshlarni Vatanga sadoqat, harbiy-vatanparvarlik ruhida tarbiyalash, sog‘lom turmush tarzini targ‘ib etish hamda harbiy-amaliy sport turlarini ommalashtirish maqsadida “Amir Temur vorislari” harbiy-sport musobaqasi tashkil etilmoqda.

 Musobaqada kunduzgi, sirtqi va magistratura ta’lim shaklida tahsil olayotgan o‘g‘il va qiz talabalar ishtirok etishlari mumkin.

 Universitet bosqichi:

• 26-mart kuni
•  Soat 09:00 da
• Termiz olimpiya va paraolimpiya sport turlariga tayyorlash markazi binosida bo'lib o'tadi.

Musobaqa yakka tartibda o‘tkaziladi. Universitet bosqichi yakunlariga ko‘ra eng yuqori ball to‘plagan 7 nafar ishtirokchi keyingi viloyat bosqichiga yo‘llanma oladi:

• 5 nafar asosiy ishtirokchi (4 nafar o‘g‘il bola va 1 nafar qiz bola)
• 2 nafar zaxira ishtirokchi (1 nafar o‘g‘il bola va 1 nafar qiz bola)

Musobaqa 3 bosqichda tashkil etiladi:

• 1-bosqich – Oliy ta’lim muassasasining ichki (fakultetlararo) saralash bosqichi (30-martga qadar)
• 2-bosqich – Hududiy saralash bosqichi (aprel–may oylarida)
•  3-bosqich – Respublika bosqichi (may–iyun oylarida)

Mukofotlar:
Hududiy bosqich g‘oliblari faxriy yorliq va moddiy rag‘bat bilan taqdirlanadi.

Respublika bosqichi g‘oliblari esa I, II va III darajali diplom hamda qimmatbaho sovg‘alar bilan mukofotlanadi:

1-o‘rin — 5 ta noutbuk
2-o‘rin — 5 ta planshet
3-o‘rin — 5 ta televizor

Barcha sportga qiziqadigan va faol talaba-yoshlarni “Amir Temur vorislari” harbiy-sport musobaqasida faol ishtirok etishga chorlaymiz!